Өнгөрсөн оны аравдугаар сард Америкийн сансрын нислэгийг удирдах төв
сар уруу туршилтын хөлгөө илгээж мөргөлдүүлсэн байна. Ингэхдээ саран
дээр мөнгө байдгийг олж тогтоожээ.
Мэргэжилтнүүдийн тодорхойлсноор дээрх ажиллагааны дараа үүссэн тоосон
үүлний 5.6 хувь ус байсан гэнэ. Калифорни дахь AMES эрдэм шинжилгээний
төвийн эрдэмтэн Энтони Колапрет сансрын туршилтын хөлгийн мөргөсөн 10 км
хэмжээтэй газарт 3.5 сая шоо метр ус байгаа гэж таамаглажээ. Түүнчлэн
мөргөлтөөс үүссэн тоосноос олон төрлийн химийн бодис олж илрүүлсэн
байна. НАСА-гийн сарны гаригийн ерөнхий судлаач Майкл Варго сарнаас
хэрэгтэй олон төрлийн ашигт бодис олж болохыг таамаглаж сарны тоосонд
шинжилгээ хийжээ. Ингээд сарнаас мөнгө олж нээсэн байна.
Энтони
Колапрет болон түүний багийнхан мөнгө сарны гадаргууд давхарга үүсгэн
оршдог байж болзошгүй гэж үзжээ. Дэлхийн гаригт мөнгөлөг эд нь усны
урсгал, геологийн хувьслын тогтолцооны үр дүнд үүсдэг. Харин саран дээр
мөнгө ингэж үүсдэггүй байна. Техасын сансар судлалын хүрээлэнгийн
эрдэмтэн Пол Спидус сансрын судалгааг цаашид энэ сэдвээр үргэлжлүүлэх
шаардлагатайг онцолжээ.